Уимблдон Ресей және Беларусь теннисшілеріне талап қойды

Championat.com хабарлауынша, Уимблдон-2025 ұйымдастырушылары ресейлік және беларусьтік теннисшілерден турнирге қатысу үшін бейтараптық декларациясына қол қоюды талап етті.

Турнир баспасөз қызметі растады:

Уимблдон-2025-ке қатысқысы келетін ресейлік және беларусьтік теннисшілерге қойылатын барлық талаптар өткен жылғыдай болады

Үш жыл бұрын Ресей мен Беларусь спортшылары беделді турнирге жіберілмеді — жауап ретінде ATP және WTA жарысты рейтингтік ұпайлардан айырды.

Бұл талаптар әлемнің бірінші ракеткасы беларусьтік Арина Соболенко мен WTA рейтингінің үздік ондығына кіретін ресейлік жас жұлдыз Мирра Андреева сияқты теннисшілерге қатысты болады.