Уэльс футбол клубы Литвада матч алдында барлық жабдығынан айырылды

Уэльстік «Пенибонт» клубы УЕФА Конференциялар лигасының іріктеу кезеңінде литвалық «Кауно Жальгирис» командасымен матч алдында күтпеген қиындықтарға тап болды — команда ұшу кезінде багажын жоғалтып алды, деп хабарлайды клубтың баспасөз қызметі.

Лондонның Сити әуежайынан ұшқан кезде барлық команда багажынан тек алты сөмке ғана келіп жетті — әуе компаниясы қалған багажды бортқа тиемеген. Жоғалған сөмкелерде бүкіл жаттығу және ойын жабдықтары, соның ішінде футболшылардың бутсылары болған.

Клуб өкілі Райан Марч:

«Бұл өте өкінішті жағдай, біз үлкен қателіктің құрбаны болдық»

Клуб басшылығы Вильнюстағы дүкендерден жаңа аяқ киім сатып алуға мәжбүр болды. Команда матч күні таңертең өз багажын алуға үміттеніп отыр.

«Пенибонт» үшін бұл Конференциялар лигасына екінші рет қатысу — дебюті өткен жылы болған. Қайтару матчы келесі аптада Кардиффте өтеді, себебі клубтың өз стадионы УЕФА талаптарына сәйкес келмейді.