УЕФА ресейлік клубтарға шеттетілгеннен кейін 10 миллион еуродан астам төледі

The Guardian мәліметі бойынша, УЕФА ресейлік футбол клубтарына ынтымақтастық төлемдерін жалғастыруда — халықаралық турнирлерден шеттетілгеніне қарамастан, жалпы сома 10,8 миллион еуродан асты.

Қаражат келесідей кезеңдермен бөлінді:

• 2022/2023 маусымы — 3,3 миллион еуродан астам
• 2023/2024 маусымы — 3,38 миллион еуродан астам
• 2024/2025 маусымы — 4,22 миллион еуродан астам

Айта кету керек, бұған дейін — 2021/2022 маусымында ресейлік клубтар 6,2 миллион еуро көлемінде төлем алған болатын.

Еске сала кетейік, ФИФА мен УЕФА 2022 жылдың ақпан айында Украинадағы жағдайға байланысты ресейлік клубтар мен құрама командаларды халықаралық турнирлерге қатысудан шеттету туралы шешім қабылдады.