WBO және WBC чемпиондары әлеуметтік желіде айтысты

Орта салмақтағы әлем чемпиондары Жәнібек Әлімханұлы мен Карлос Адамес X әлеуметтік желісінде өткір пікірлермен алмасуды жалғастыруда.

Қазақстандық боксшы өз мақсатын белгіледі — Адамес пен Эрисланди Ларадан жеңіс арқылы орта салмақтағы барлық титулдарды біріктіріп, содан кейін екінші орта дивизионда Сауль Альвареспен кездесу.

«Кейде мен ойланамын: Жәнібекті жеңгенде, ол өзінің X-тегі аккаунтын не істейді? Оны жоя ма?» — деп жазды доминикандық чемпион.

«Мен Twitter-імді жоймаймын, мен сенің атыңды чемпиондар тізімінен өшіремін!» — деп жауап қатты Әлімханұлы.

Жақын арада Карлос Адамес WBC-тің міндетті үміткері, қазақстандық Мейірім Нұрсұлтановпен титулды қорғау жекпе-жегін өткізуі мүмкін.