WBO жаңартылған рейтингтері: қазақстандық боксшылардың позициялары

Дүниежүзілік бокс ұйымының (WBO) ресми сайты хабарлағандай, барлық салмақ дәрежесіндегі боксшылар рейтингінде бірқатар өзгерістер орын алды. Жеңіл салмақта Қазақстан тумасы, қазіргі уақытта Германияда тұратын Роман Фресс өз позициясын жақсартып, оннан тоғызыншы орынға көтерілді.

Орта салмақта елеулі өзгерістер байқалды. Мейірім Нұрсұлтанов екінші орыннан алтыншы орынға түсіп қалды. Бұл дивизиондағы WBO чемпиондық белбеуі қазақстандық Жәнібек Әлімханұлына тиесілі екенін атап өткен жөн.

Қазіргі уақытта орта салмақтағы көшбасшылардың үштігін Ұлыбританиядан келген Хамза Шираз бен Дензел Бентли бастап тұр, ал үшінші орынды АҚШ-тан Шейн Мозли иеленеді. Сонымен қатар, рейтингте Жаңа Зеландияның бұрын жетінші орынды иемденген боксшысы Андрей Михайлович үздік 15 қатарынан шықты. Ол 4 қазанда Жәнібек Әлімханұлымен кездесіп, нокаутпен жеңіліске ұшыраған болатын.