Virtus.pro мергені PGL Astana турниріне дайындық туралы айтты

Virtus.pro командасының мергені Қайсар «ICY» Файзнұров ұйымның YouTube арнасындағы сұхбатында PGL Astana 2025 турниріне дайындық туралы әңгімеледі.

«IEM Melbourne-ден кейін біз буткемпке жаңа жаттықтырушымен келдік — шынымен де ауқымды жұмыс жасадық. Күніне кемінде 12-13 сағат жаттықтық, жеке дайындықпен көп айналыстық. Бұл турнирге команда 70-80 пайызға дайын. Мельбурнде бәрі жақсы болды, бірақ 0:2 есебімен жеңіліп, шығып қалдық», — деді Файзнұров.

Жарияланым сәтінде Virtus.pro командасы Ninjas in Pyjamas құрамасына қарсы бастапқы ойынын өткізуде. PGL Astana 2025 чемпионаты Қазақстан астанасында 10-18 мамыр аралығында өтеді — он алты команда $1,25 миллион жүлде қорын сарапқа салады, оның жартысы қатысушыларға беріледі.