Virtus.pro-дың бұрынғы ойыншысы Team Vitality-дің табыс құпиясын ашты

Virtus.pro-дың бұрынғы ойыншысы Тимур «FL4MUS» Марьев Twitch платформасындағы өзінің жеке эфирінде Team Vitality-дің мықты тұстары туралы пікір білдірді.

«Ойыншылардың жеке шеберлігі өте жоғары, басқа ештеңе емес. Team Vitality-дің ойынын қарасаңыз, тактика жағынан бірдеңе керемет жасайды деп айта алмаймын. Тек колдарды орындауы шынымен керемет және ойыншылардың жеке шеберлігі ерекше. Олардың кез келген ойыншысы раундты жалғыз өзі аударып жібере алады. Олардың күші осында», — деді Марьев.

Айта кетейік, Team Vitality жақында BLAST.tv Austin Major 2025 турнирінің жеңімпазы атанды — француз ұжымы финалдық матчта The Mongolz командасын 2:1 есебімен жеңді.