Виктор Дьёкереш «Алтын бутс» жарысында көш бастады

Soccer.ru мәліметінше, Лиссабонның «Спортингінің» шабуылшысы Виктор Дьёкереш Португалия чемпионатында «Боавиштаға» қарсы ойында төрт гол соғып көзге түсті. Матч 5:0 есебімен аяқталды.

Швед шабуылшысы осы маусымдағы голдар санын 38-ге жеткізді. Бұл нәтиже оған «Алтын бутс» жарысында 57 ұпай жинауға мүмкіндік берді. Оның басты қарсыласы — «Ливерпульдің» ойыншысы Мохамед Салах, оның еншісінде 28 гол мен 56 ұпай бар.

Маусымның соңына дейін «Спортингтің» үш, ал АПЛ-дің мерзімінен бұрын чемпионы атанған «Ливерпульдің» төрт матчы қалған.

Біздің парақшамыздан футбол матчтарының барлық нәтижелерін Live форматта бірінші болып біліңіз!