Верстаппенге жарыстан шеттету қаупі төніп тұр

Motorsport.com мәліметінше, Макс Верстаппен алдағы Канада Гран-приі алдында күрделі жағдайға тап болды — оның шотында 11 айыппұл ұпайы бар, ал алғашқы екеуінің мерзімі 30 маусымда ғана аяқталады.

Төрт дүркін әлем чемпионы өзінің агрессивті жүргізу стилімен танымал — дәл осындай тәсіл оған мансабында табыс әкелді. Алайда қазір голландиялық пилот барынша сақ болуы керек — Монреальда тағы бір айыппұл ұпай алса, Red Bull командасының Австриядағы үй жарысын өткізіп алады.

Чемпиондық үшін күресте McLaren пилоттары көш бастап тұр — Оскар Пиастри мен Ландо Норрис Верстаппеннен 49 ұпай алда. Жарысты өткізіп алу мүмкіндігі қазіргі чемпионның жағдайын одан әрі қиындатып отыр.

Монреаль трассасы Льюис Хэмилтон үшін де ерекше болмақ, ол мұнда 18 жыл бұрын Формула-1-дегі алғашқы жеңісіне қол жеткізген. Қазір жеті дүркін әлем чемпионы Ferrari SF-25 болидіне бейімделуді жалғастыруда — әсіресе тежеу кезінде сенімділік жетіспейді.