Усик Джошуаны Фьюриден жоғары қойып, үздік боксшылар рейтингін жасады

WBA, WBO, WBC және IBO нұсқалары бойынша ауыр салмақтағы чемпион Александр Усик (жақында The Ring журналының нұсқасы бойынша 2024 жылдың үздік боксшысы атанған) әлемнің ең мықты боксшылары туралы өз пікірімен бөлісті.

Украиналық боксшы өз рейтингін жасап, бірінші орынға Теренс Кроуфордты қойды:
«Әлемдегі бес үздік боксшы? Теренс Кроуфорд — бокстағы бірінші нөмір. Екінші — Сауль Альварес, үшінші — Энтони Джошуа. Одан кейін Тайсон Фьюри мен Наоя Иноуэ.»

Қызығы, Усик Энтони Джошуаны өзінің ықтимал қарсыласы Тайсон Фьюриден жоғары қойды. Бұл таңдау бокс қауымдастығында қызу талқылауға себеп болды.