«Ұлытау» қатарына Молдова құрамасының ойыншысы мен «Мальорка» тәрбиеленушісін қосты

«Ұлытау» футбол клубының баспасөз қызметі құрамға екі жаңа ойыншының қосылғанын хабарлады.

Командаға Вадим Пайрели (Молдова құрамасының өкілі) және Хосе Каррильо — испандық «Мальорканың» тәрбиеленушісі келді.

Молдавалық шабуылшы Пайрели мансабын Тирасполь «Шерифінде» бастаған. Кейін бірнеше клубта өнер көрсетті:

• «Петрокуб»
• «Милсами»
• «Дугополе» (Хорватия)
• «Ноа» (Армения)

Шамамен 8 жыл бұрын футболшы Молдова ұлттық құрамасында Австрия командасына қарсы матчта дебют жасады.

Испандық қорғаушы Каррильоға келетін болсақ ол «Хетафе-В», «Замора» және «Логроньес» клубтарында, сондай-ақ словакиялық клубтарда — «Земплин Михаловце» мен «Сеницада» ойнаған. Өткен маусымда орталық қорғаушы грузиялық «Самтредия» клубы үшін 26 матч өткізді.