Уилфред Ндиди жазда «Лестерден» кетуі мүмкін

«Лестер Сити» Премьер-лигадан түсіп қалған соң, жартылай қорғаушы Уилфред Ндидидің келісімшартындағы арнайы бап күшіне енді. Ол бойынша футболшыны 9 миллион фунтқа сатып алуға болады.

Клубтың элитаға қайта оралу мүмкіндігі «Ливерпульден» 0:1 есебімен жеңілген соң, маусымның аяқталуына бес тур қалғанда жойылды.

28 жастағы нигериялық ойыншы «Лестерге» 17 миллион фунтқа «Генк» клубынан келген болатын. Өткен жазда оған «Марсель» мен «Эвертон» қызығушылық танытқанымен, Ндиди клубпен келісімшартын үш жылға ұзартқан еді.

Клуб ішінде үлкен өзгерістер орын алмақ:

• Аңызға айналған шабуылшы Джейми Варди 13 жылдан кейін командадан кететінін хабарлады;
• Қақпашылар Даниэль Иверсен мен Дэнни Уордтың келісімшарттары аяқталады.

Ндиди «Лестер» сапында Англия Кубогы мен Чемпионшипті жеңіп алған. Биылғы маусымда барлық турнирлерде 27 матчқа қатысты.