UFC жауынгері Порье Физиевпен алдағы жекпе жек туралы қауесеттерді жоққа шығарады

Sport24.ru порталының мәліметінше, әйгілі UFC жауынгері Дастин Порье алдағы жекпе-жегі туралы қауесеттерді көпшілік алдында жоққа шығарды.

Жақында спорт әлемінде Порьенің Қазақстан тумасы Рафаэль Физиевпен кездесуі мүмкін деген ақпарат қызу талқыланған болатын. Олардың жекпе-жегі 2025 жылдың наурызына жоспарланған UFC 313 турнирінде өтеді деген болжам жасалды.

Алайда, Дастин Порье бұл қауесеттерді жоққа шығарып, әлеуметтік желілердегі жанкүйерлеріне былай деді:
«Жекпе-жек келісілді деп ойладым, бірақ олай емес. Біз әлі де менің финалдық кездесуім бойынша жұмыс істеп жатырмыз. Физиев пе? Бұл — жалған.»

Айта кетейік, 31 жастағы Рафаэль Физиев 2023 жылдың қыркүйегінен бері октагонға шыққан жоқ. Мұның себебі — UFC Fight Night 228 турнирінде Матеуш Гамротқа қарсы жекпе-жек кезінде алған ауыр тізе жарақаты.

Осылайша, Дастин Порьенің келесі қарсыласы әлі белгісіз болып қалды. Жанкүйерлер UFC-ден немесе жауынгердің өзінен ресми мәлімдемені күтуге мәжбүр.