UFC ұйымы жаңа маусымға күнтізбе мен жоспарларын жариялады

UFC ұйымы 2026 жылы өтетін турнирлердің жаңартылған күнтізбесін жариялады. Paramount компаниясымен жасалған жаһандық телехабар тарату келісімі іс-шаралар санына әсер етпейді — ұйым бұрынғы қарқынмен жұмыс істей береді.

Жарияланған мәліметке сәйкес, 2026 жылы UFC 13 нөмірленген турнир (PPV) және 30 апталық іс-шара (Fight Night) өткізуді жоспарлап отыр. Жалпы саны — 43 турнир, бұл 2025 жылмен салыстырғанда бір іс-шараға артық.

Айта кетейік, пандемия кезеңінен бастап ұйым маусым сайынғы іс-шаралар санын тұрақты деңгейде сақтап келеді.

Жаңа жылдың алғашқы турнирі — UFC 324, ол 24 қаңтарда Лас-Вегаста (АҚШ) өтеді.