UFC Испанияда чемпион Илия Топурияның қатысуымен жекпе-жек кешін жасауды жоспарлап отыр

Metaratings.ru порталының ақпаратына сәйкес, Ultimate Fighting Championship (UFC) Испанияда дебюттік турнир ұйымдастыру арқылы өзінің географиясын кеңейтуді жоспарлап отыр. Бұл шара жеңіл салмақтағы чемпион Ілияс Топурияның қатысуымен өтеді деп күтілуде.

UFC атқарушы директоры Дана Уайт бұл жоспарлар туралы өз ойларымен бөлісті:

«Испанияға барғым келеді, өйткені Испания бізді күтуде. Біз бұл бағытта жұмыс істеп жатырмыз және 2025 жылы Испанияда бірдеңе ұйымдастыруды маңызды деп санаймын, сондықтан жоспарларымызды жүзеге асырамыз.»

Уайт турнирді өткізу үшін әртүрлі елдердегі жергілікті жұлдыздардың маңызды рөлін атап өтті. Оның айтуынша, белгілі бір елден чемпион шықса, сол жерде турнир ұйымдастыру ықтималдығы артады: «Бұл бизнес жұлдыздарға тәуелді, сондықтан бізде, мысалы, Оңтүстік Африкадан Дрикус Ду Плесси сияқты чемпион болса, Африкаға барамыз. Испаниядан чемпион шықса, Испанияға, ал Грузия болса, онда да барамыз.»

UFC басшысы турнир өткізілетін арена таңдау мәселесін де қозғады: «Егер Испанияда қолайлы арена болмаса, ашық стадионда турнир өткізгім келмес еді. Бірақ Топурия үшін стадион қажет болса, оны да ойластырамыз.»

Айта кету керек, Қазақстан да UFC турнирін күтуде. Бұл идея алғаш рет 2020 жылы талқыланды, бірақ пандемия салдарынан жоспарлар кейінге қалдырылды. Соған қарамастан, Қазақстанда UFC турнирін өткізуге деген қызығушылық әлі де сақталуда.