UFC файтері Шавкат Рахмоновтың әпкесі отбасындағы қайғылы оқиға туралы алғаш рет айтты

Қол күресінен үш дүркін әлем чемпионы Сора Рахмонова UFC файтері Шавкат Рахмоновтың отбасындағы қайғылы оқиғадан кейін үнсіздігін бұзды, деп хабарлайды Zakon.kz.

Жаратқан Ием бауырымның отбасындағы жағдайға алаңдап, қоңырау шалып жатқандардан разы болсын! Мұндай жағдай ешкімнің басына түспесін. Ертең не болатынын тек Жаратқан біледі… Жаратқан Ием келінімді қолдасын! Ол бірден екі жақынынан айырылып, өзі де жарақат алды

Алматы — Екатеринбург тас жолында Toyota Land Cruiser 200 көлігі файтердің жұбайының басқаруымен аударылып қалған — апат салдарынан екі адам қаза тауып, Рахмоновтың әйелі мен үш жасар ұлы жарақат алған.

Зардап шеккендер жабық бас-ми жарақаты және ми шайқалуы диагнозымен Шу қалалық ауруханасына жеткізілді — алғашқы көмек көрсетілгеннен кейін олар қолхат жазып, Алматыға жол тартты.