UFC файтері Иржи Прохазка Чехияда университет дипломын алды

Иржи Прохазканың инстаграмдағы жазбасына сәйкес, чехиялық UFC файтері Брнодағы Масарик университетіндегі оқуын сәтті аяқтады — спортшы «Қауіпсіздік және стратегиялық зерттеулер» мамандығы бойынша диплом алды.

Миссия орындалды. Мың милдік жолды қадам-қадаммен жүріп өту. Енді келесі қадам туралы ойлануға болады, — деп Прохазка әлеуметтік желілерде бөлісті.

Айта кетейік, Прохазка — жекпе-жек көрсеткіші 31-5-1 болатын қазіргі UFC файтері, өзінің соңғы жекпе-жегінде Джамал Хиллді үшінші раундта техникалық нокаутпен жеңді. Бұған дейін спортшы бітіру емтихандарына дайындық кезінде UFC 317 турниріне қатысудан бас тартқан болатын.