UFC файтері Бо Никал Ислам Махачевпен бір кардта өнер көрсеткісі келеді

Американдық жауынгер Бо Никал UFC 322 турниріне қатысуға қызығушылық танытты, деп хабарлайды спортшының твиттері.

«Мені ерте прелимдерге қойыңыздар», — деп жазды Никал кештің басты жекпе-жектерінің анонсына түсініктемеде.

UFC 322 турнирі қараша айының ортасында Нью-Йоркте өтеді — басты оқиғада Ислам Махачев жартылай орта дивизионның чемпиондық белбеуі үшін Джек Делла Маддаленамен кездеседі.

Айта кетейік, Никалдың соңғы жекпе-жегі биылғы мамыр айында Ренье Де Риддерден нокаутпен жеңілумен аяқталды.