UFC-дің жаңа жұлдызы екі жеңістен кейін анасына үй сатып алды

UFC жеңіл салмақ дәрежесінің жаңа жұлдызы Джошуа Ван UFC 316 турнирінде Бруно Сильваны жеңіп, бірден анасына жаңа үй сатып алды.

Жеңісін тойлауға да үлгермеген Ван күтпеген ұсыныс алды — жарақат алған Манел Капенің орнына UFC 317 турнирінде рейтингтің бірінші нөмірі Брэндон Ройвалмен кездесу.

«Бізге осы жекпе-жек туралы қоңырау шалғанда, оны қабылдау немесе қабылдамау туралы сұрақ та туындаған жоқ. Бірден келістік», — деді Ван.

Ройвалмен өткен қызу жекпе-жекте Мьянмалық жауынгер төрешілердің бірауызды шешімімен жеңіске жетті — бұл оның UFC-дегі қатарынан бесінші жеңісі болды. Енді Ван чемпион Александр Пантожамен титулдық жекпе-жекті күтуде.

«Кіммен төбелесетінім маңызды емес — мен үшін тым үлкен немесе кішкентай жекпе-жектер жоқ. Жай ғана сол кеште рейтингтің бірінші нөмірімен жұдырықтастым», — деді Ван.

23 жастағы жауынгер жыл соңына дейін туған қаласы Хьюстонда чемпиондық жекпе-жек өткізуді үміт етеді. Екі жыл ішінде ол жаңадан келген спортшыдан титулға үміткерге дейінгі жолды жүріп өтіп, өзіне деген сенімі босқа емес екенін дәлелдеді.