UFC-дің экс-жауынгері Розенстрайк жаңа промоушеннің чемпионы атанды

Dirty Boxing Championship мәліметі бойынша, Жаирзиньо Розенстрайк ұйымның ауыр салмақтағы алғашқы чемпионы атанды − ол бірінші раундта Раким Кливлендті нокаутпен жеңді.

Суринамдық жауынгер үшін бұл UFC-ден кеткеннен кейінгі екінші жеңісі − маусым айында ол Виктор Кардосоны екінші раундта мерзімінен бұрын жеңді.

Промоушен титулға келесі үміткерді анықтап қойды − ол UFC-дің бұрынғы чемпионы Андрей Орловский болады, Розенстрайк онымен DBX 4 турнирінде кездеседі.

Айта кетерлігі, жауынгерлер октагонда бұрын да кездескен − 2019 жылы Розенстрайк UFC турнирінде Орловскийді бірінші раундта нокаутпен жеңген.