UFC 316 картасы жауынгердің науқасына байланысты өзгерді

Алдағы UFC 316 турнирінің картасында елеулі өзгерістер орын алды — Урош Медич науқасына байланысты Хаос Уильямспен жекпе-жектен шығып қалды.

Жартылай орта салмақта Медичтің орнын Андреас Густафссон басады — ол Уильямспен осы сенбіде Ньюарктың Пруденшал орталығында өтетін турнир аясында кездеседі.

Ұйымдастырушылар сондай-ақ картаға МарКел Медерос пен промоушеннің жаңа файтері Марк Чоински арасындағы жеңіл салмақтағы жекпе-жекті қосты. Соңғысы UFC-дегі алғашқы жекпе-жегіне әсерлі рекордпен келеді — 8 жеңіс, жеңіліссіз, оның 6-ы мерзімінен бұрын аяқталған.

Кештің басты оқиғасы Мераб Двалишвили мен Шон О’Мэлли арасындағы титулдық реванш болатынын еске саламыз.