Үш ағылшын клубы Манчестер Юнайтедтің қанатшабуылшысына таласуда

Daily Mail мәліметі бойынша, Алехандро Гарначо клубын ауыстыруы мүмкін — Манчестер Юнайтедтің қанатшабуылшысы Тоттенхэмнің қызығушылығын тудырды.

Лондондық клуб Челси мен Астон Вилламен бірге 20 жастағы аргентиналық ойыншы үшін бәсекеге қосылды — футболшы ағылшын Премьер-лигасында мансабын жалғастыруға ниетті.

Өткен маусымда Гарначо нәтижелі ойыншы ретінде көзге түсті — оның еншісінде барлық турнирлерде 58 матч, 11 гол мен 10 нәтижелі пас бар.

Манчестер Юнайтед 2028 жылдың жазына дейін келісімшарты бар қанатшабуылшы үшін 70 миллион еуро сұрап отыр.