Үндістан футбол федерациясы Гвардиола мен Хавиден жалған өтініштер алды

Үндістан футбол федерациясы (AIFF) ұлттық құрама бас бапкері қызметіне Пеп Гвардиола мен Хави Эрнандестен жалған өтініштер алғанын хабарлады.

«AIFF испан бапкерлері Пеп Гвардиола мен Хави Эрнандестен электрондық хаттар алды. Олардың өтініштерінің түпнұсқалығы расталмады және бұл хаттардың шын емес екені анықталды», — делінген федерация мәлімдемесінде.

Үндістан құрамасының жаңа бапкерін іздеу каталондық маман Маноло Маркестің «Гоа» клубындағы жұмысына көшу үшін қызметін тастап кетуінен кейін басталды. Қазіргі уақытта федерация бос қызметке 170 өтініш алды.

ФИФА рейтингінде 133-орында тұрған Үндістан құрамасы әлем чемпионаттарына ешқашан қатыспаған — команда үшін соңғы маңызды турнир 2023 жылғы Азия Кубогы болды, онда ол өз тобында соңғы орын алды.