«Уэльс» құрамасы Қазақстан мен Солтүстік Македонияға қарсы ойындарға 18 жастағы Кай Эндрюсті шақырды

«Уэльс» құрамасының бапкерлер штабы 18 жастағы Кай Эндрюсті алдағы әлем чемпионатының іріктеу кезеңіндегі Қазақстан және Солтүстік Македония құрамаларына қарсы ойындарға қосты.

«Ковентри Сити» клубынан шотландиялық «Мотеруэллге» жалға берілген жас жартылай қорғаушы наурыз айының басында «Рейнджерске» қарсы жақсы ойын көрсетіп, ұлттық құрамаға шақырту алды.

Команда капитаны Аарон Рэмзи «Кардифф Сити» үшін ойнап жүріп жарақат алғандықтан, бұл ойындарды өткізіп жібереді. Оның орнына ұлттық құрамаға соңғы төрт жылда шақырылмаған Том Лоуренс келеді.

«Уэльс» өз алаңында 22 наурыз күні «Қазақстанмен» ойнайды, ал үш күннен кейін сырт алаңда «Солтүстік Македониямен» кездеседі. J тобында бұдан бөлек «Бельгия» мен «Лихтенштейн» құрамалары да бар.