УЕФА Рюдигерді Чемпиондар лигасынан шеттетуі мүмкін

Marca басылымының хабарлауынша, УЕФА Чемпиондар лигасының 1/8 финалындағы «Реал» – «Атлетико» матчының қарымта кездесуінде орын алған эпизодтар бойынша тәртіптік іс қозғады. Бұл шешім «Атлетиконың» ресми шағымынан кейін қабылданған.

Тексеруге алынған ойыншылар қатарында — Антонио Рюдигер, Килиан Мбаппе, Дани Себальос және Винисиус Жуниор. Ең қатаң жаза Рюдигерге тағайындалуы мүмкін: оның әрекеті қауіпті деп бағаланып, футболшы айыппұлмен қатар шартты түрде шеттетіліп немесе ширек финалда «Арсеналға» қарсы ойынды өткізіп алуы ықтимал.

Қалған ойыншыларға — Мбаппе, Себальос және Винисиус — тек ақшалай айыппұл салынуы мүмкін.

Бұл іс бойынша УЕФА-ның ресми шешімі жұма күні жарияланады.

Біздің парақшамыздан футбол матчтарының барлық нәтижелерін Live форматта бірінші болып біліңіз!