УЕФА Чемпиондар лигасының ойындарын АҚШ-та өткізу туралы келіссөздер жүргізуде

Euro-football.ru хабарлауынша, УЕФА Еуропалық клубтар қауымдастығымен бірлесіп америкалық Relevent Sports компаниясымен клубтық турнирлердің жаһандық коммерциялық құқықтарын талқылауға кірісті. Келісімнің қолданылу мерзімі 2027-ші жылдан 2033-ші жылға дейін жоспарлануда.

The Independent хабарлағандай келіссөздер сәтті аяқталған жағдайда, Еуропаның басты клубтық турнирінің ойындарын АҚШ аумағында ұйымдастыруға мүмкіндік туады.

TEAM Marketing компаниясы (УЕФА-мен отыз жылдан астам уақыт бойы ынтымақтасып келе жатқан) келіссөздер туралы ақпараттан абдырап қалды, бұл олардың көпжылдық серіктестігінің аяқталуына әкелуі мүмкін.