УЕФА «Челсимен» қаржылық дауды шешуге жақын

Журналист Бен Джейкобстың мәліметінше, УЕФА лондондық «Челсимен» қаржылық дауды 2025 жылдың мамыр айының соңына дейін реттеуді жоспарлап отыр.

Еуропалық футбол одағы елеулі бұзушылықты анықтады — «көктер» үш жылдық кезеңде рұқсат етілген 170 миллион фунт шығын шегінен 188 миллионға асып кетті. УЕФА әйелдер командасын сатудан және қонақ үйлерді аффилирленген құрылымдарға сатудан түскен 200 миллион фунт табысты есепке алудан бас тартты.

Тараптар 10 миллион еуро көлемінде айыппұл төлеу туралы алдын ала келісімге келді. Келіссөздер сындарлы түрде жалғасуда. Қаржылық ережелерді қайта бұзған жағдайда клуб еуропалық турнирлерден шеттетілуі мүмкін.