Тухель басқарған Англия құрамасы алғашқы жеңілісін тапты

BBC хабарлағандай, Англия құрамасы Ноттингемдегі «Сити Граунд» стадионында өткен жолдастық кездесуде Сенегал командасынан 3:1 есебімен жеңілді.

Томас Тухель — ағылшындардың бас бапкері ретінде қатарынан үш жеңістен кейін алғаш рет жеңілді. Сенегал 22 мүмкіндіктен кейін Англия құрамасын жеңген алғашқы африкалық команда болды.

Жартылай қорғаушы Морган Гиббс-Уайт команда ойынын қатаң сынға алды:

«Біз өзімізді, елімізді және елтаңбамызды жерге қаратып қойдық. Бұл шынымен де жеткіліксіз болды. Есеп 2:1 болғанда ғана еркін ойнай бастадық, бірақ бұлай басынан бастап ойнауымыз керек еді»

Евро-2024 финалынан кейін Гарет Саутгейтті алмастырған Тухель әзірге командаға жаңа ойын мәнерін бере алмады. 2026 жылғы әлем чемпионатына бір жыл қалды — ағылшындар тағы кемінде тоғыз матч, оның ішінде бес іріктеу ойыны мен төрт жолдастық кездесу өткізуі керек.