Тұран шабуылшысы Ресей жастар құрамасына шақырту алды

Клуб баспасөз қызметінің хабарлауынша, түркістандық «Тұранның» шабуылшысы Константин Дорофеев Ресейдің U-21 жастар құрамасына шақырту алды.

Ресей жастар командасы — 5 және 8 маусымда Ферғанада Өзбекстан құрамасына қарсы екі жолдастық кездесу өткізеді.

Биылғы ҚПЛ маусымында Дорофеев «Тұран» сапында тоғыз матч өткізді — нәтижелі әрекеттерге қол жеткізе алмады. Түркістан клубы тоғыз тур қорытындысы бойынша турнир кестесінде тоғызыншы орында тұр.

«Тұранның» келесі матчы 25 мамырда өтеді — команда чемпионаттың оныншы туры аясында қостанайлық «Тоболды» қабылдайды.