Тулкин Киличев Баходир Жалолов пен Иван Дычко арасындағы жекпе-жекке қатысты пікір білдірді

Өзбекстан бокс құрамасының бапкері Тулкин Киличев ауыр салмақтағы боксшылар Баходир Жалолов пен Иван Дычко арасындағы ықтимал жекпе-жек туралы пікірін айтты.

— Дычкомен емес, әрине. Жалолов алдымен екі-үш рейтингтік жекпе-жек өткізеді, содан кейін біз претенденттік, чемпиондық жекпе-жекке шығамыз. Бұл Олимпиададан кейінгі алғашқы жекпе-жек болады, бірақ Дычкомен емес, — деді Киличев.

Бір жарым жыл бұрынғы соңғы кәсіби жекпе-жегінде Баходир Жалолов (14-0, 14 КО) оңтүстікафрикалық боксшы Крис Томпсонды (14-6-1, 7 КО) бірінші раундта нокаутпен жеңген болатын.