Түрік алпауыттары «Қайраттың» жас қақпашысына қызығушылық танытты

Aladop.kz мәліметінше, алматылық «Қайрат» қақпашысы Темірлан Анарбеков — түрік үздік клубтарының жаңа нысанасына айналды.

«Галатасарай» мен «Трабзонспор» жанкүйерлері X әлеуметтік желісінде қазақстандық қақпашыны белсенді талқылауда — олар клуб басшылығын жас қақпашыға назар аударуға шақыруда.

«Галатасарайға» Темірланды бес миллион еуроға алған тиімді, бельгиялық Сенне Лемансты 25 миллион еуроға алғаннан гөрі»

21 жастағы қақпашыға деген қызығушылық Чемпиондар лигасының плей-офф кезеңіндегі «Селтикке» қарсы жауап матчындағы керемет ойынынан кейін артты — Анарбеков пенальти сериясында үш соққыны қайтарып, командасының турнирдің топтық кезеңіне өтуіне көмектесті.

Енді алматылық клуб мадридтік «Реал», лондондық «Арсенал» және миландық «Интермен» кездеседі.