Трент Александер-Арнольд жаттығуға оралды

«Ливерпуль» қорғаушысы Трент Александер-Арнольд тобық жарақатынан кейін командамен бірге толық жаттығуға қайта қосылды. 26 жастағы футболшы соңғы рет Чемпиондар лигасының 1/8 финалында «Пари Сен-Жерменге» қарсы ойында алаңға шыққан еді — содан бері бір ай бойы қатардан тыс қалды.

Ойыншының қалпына келуі маусымның шешуші кезеңінде «қызылдарға» үлкен көмек болмақ. Алайда оның клубтағы болашағы әлі де белгісіз — BBC Sport мәліметінше, Трент жазда еркін агент ретінде «Реал Мадридке» ауысу туралы келіссөздер жүргізіп жатыр.

Премьер-лигада «Ливерпуль» алты тур қалғанда «Арсеналдан» 13 ұпай алда келеді. Команда жексенбі күні-ақ чемпион атануы мүмкін — бұл үшін «Лестерден» жеңіп, «Арсеналдың» «Ипсвичтен» ұтылуы қажет.

Біздің парақшамыздан футбол матчтарының барлық нәтижелерін Live форматта бірінші болып біліңіз!