Тоттенхэм бас бапкер қызметіне Томас Франкпен келіссөз бастады

The Athletic мәліметі бойынша, «Тоттенхэм» команданың бас бапкері қызметіне Томас Франкті тағайындау туралы «Брентфордпен» келіссөз бастады.

51 жастағы дат маманы Еуропа Лигасының тарихи жеңісінен кейін, бірақ Премьер-лигадағы сәтсіз маусым аясында екі апта бұрын қызметтен босатылған Анге Постекоглудың орнына басты үміткер болды.

2027 жылға дейін жасалған Франкпен келісімшартты мерзімінен бұрын бұзу үшін «шпорлар» 10 миллион фунттан астам төлеуі керек. Сома маманның өзімен бірге алғысы келетін жаттықтырушылар штабы мүшелерінің санына байланысты артуы мүмкін.

Франк «Брентфордты» 2018 жылы басқарып, Чемпионшип плей-оффын жеңіп, команданы Премьер-лигаға шығарды. Аяқталған маусымда «аралар» 10-шы орынға — «Тоттенхэмнен» жеті позиция жоғары тұрақтады.

Лондон клубының құрылымында да өзгерістер күтілуде — осы аптада спорт директоры Скотт Маннның кетуі жарияланады. Ал шілдеде ФИФА-ның дисквалификациясы аяқталатын бұрынғы футбол директоры Фабио Паратичи қайта оралуы мүмкін.