«Торпедо» РПЛ-дан кеткеннен кейінгі алғашқы матчында «Челябинскіден» жеңілді

Championat.com хабарлағандай, Мәскеудің «Торпедосы» Бірінші лиганың бірінші турында «Челябинсктен» өз алаңында жеңілді — матч 3:2 есебімен қонақтардың пайдасына аяқталды.

Қожайындар құрамында «Қайраттың» бұрынғы шабуылшысы Гүлжігіт Алықұлов 17-ші минутта есеп ашса, Глеб Шевченко 82-ші минутта гол соқты. Челябинск командасының намысын Александр Жиров екі рет қорғады — 40-шы және 78-ші минуттарда, ал Рамазан Гаджимұрадов 34-ші минутта мергендігімен көзге түсті.

«Торпедо» келесі матчын 27 шілдеде сырт алаңда «Нефтехимикпен» өткізеді, ал «Челябинск» бір күн бұрын «Роторды» қабылдайды.

Еске сала кетейік, шілде айының басында «Торпедо» РПЛ-дан шығарылып, 5 миллион рубль көлемінде айыппұл салынған — клуб басшылығы төрешілерді сатып алу арқылы матч нәтижелеріне әсер етуге тырысты деген айыппен кінәланған.