Төреші МЮ қақпасына соғылған голды қақпашыға жасалған қателік үшін жойды

Ағылшын Премьер-лигасының 38-ші тур аясындағы Манчестер Юнайтед пен Астон Вилла арасындағы матчта даулы жағдай орын алды — бас төреші үй иелерінің қақпасына соғылған голды жойды.

Матчтың 73-ші минутында Морган Роджерс Алтай Байындырдың қақпасына доп соқты — МЮ қақпашысы допты қолымен ұстауға тырысқанда, қонақтар шабуылшысы оны бос қақпаға кіргізуге үлгерді.

Матчтың бас төрешісі Том Бремелл көмекшілерімен кеңескеннен кейін голды есептемеу туралы шешім қабылдады, себебі Астон Вилла шабуылшысының қақпашымен күрес кезінде ереже бұзушылығын байқады.