Төрехан Сабырхан кәсіпқой рингтегі дебютін сенімді жеңіспен бастады

Қазақстандық боксшы Төрехан Сабырхан кәсіпқой бокстағы алғашқы жекпе-жегінде жеңіске жетті. 6 раундқа жоспарланған жекпе-жекте ол чехиялық Йиржи Хаукені (4-6, 2 КО) үшінші раундта техникалық нокаутпен жеңді.

Жекпе-жектен кейін Сабырхан алғашқы әсерімен бөлісті:

«Жекпе-жек жеңіл өтті, бірақ негізгі қарсыластар алда. Кәсіпқой бокстағы алғашқы қадамым жақсы болды. Жанкүйерлерге қолдауы үшін алғыс айтамын. Жеңіспен бастау — өте маңызды», — деді боксшы.

Әуесқой бокстан кәсіпқойға толық ауысу туралы ойын да білдіріп өтті:

«Қазақ еліне Олимпиада мен әлем чемпионатының алтынын сыйламай, әуесқой бокстан кетпеймін. Алтын алған соң ғана кәсіпқойға толық ауысамын», — деді Төрехан Сабырхан.