Топурия мен Оливейра UFC жеңіл салмақтағы бос тұрған чемпиондық белбеу үшін жұдырықтасады

Испания атынан өнер көрсететін грузин жұдырықшысы Илия Топурия (16-0) бразилиялық Чарльз Оливейрамен (35-10) UFC 317 турнирінің басты жекпе-жегінде Лас-Вегаста кездеседі — жеңіл салмақтағы бос тұрған чемпиондық белбеу сарапқа салынады.

Жекпе-жек 29 маусым таңертең өтеді, тікелей эфир Қазақстан уақыты бойынша 09:30-да басталады — тікелей трансляцияны UFC ресми сайтынан көруге болады.

Букмекерлер бұрын жартылай жеңіл салмақта чемпиондық белбеуді иеленген Топурияға басымдық береді. Оның қарсыласы Оливейра жеңіл салмақтағылар рейтингінде екінші орында тұр.

Соңғы жекпе-жектерінде екі жұдырықшы да сенімді жеңістерге қол жеткізді — Топурия америкалық Макс Холлоуэйді (26-8) үшінші раундта нокаутпен жеңсе, Оливейра Майкл Чендлерден (23-10) төрешілердің бірауызды шешімімен басым түсті.