Тони Моубрей «Вест Бромвич» клубының бас бапкері қызметінен босатылды

BBC Radio WM хабарлағандай, Чемпионшиптің соңғы алты матчында бес рет жеңілгеннен кейін «Вест Бромвич» клубы бас бапкер Тони Моубреймен қош айтысты.

Моубрей команда тізгінін қаңтарда, Карлос Корберан «Валенсияға» кеткеннен кейін қолына алған болатын. Алайда оның тұсында клуб алтыншы орыннан оныншы орынға сырғып, плей-офф аймағынан алты ұпайға артта қалды.

Бұрын «Бирмингем Ситиде» Моубреймен бірге жұмыс істеген Мартин О’Коннор бапкердің тәсіліне қатысты пікір білдірді:

«Тони — ескі мектептің өкілі, ойыншылардан алаңда барын талап етеді. Бірақ менің ойымша, ол бұл командада өз стиліне сай ойыншыларды таба алмады. Оның әдістерін біле отырып, бұл құрам Моубрейдің таңдауы емес екенін байқауға болады», — деді ол.

Клубтың алдағы екі турда плей-офф үшін күресуге математикалық мүмкіндігі бар, алайда жаңа басшылық шешуші кезеңде жағдайды өзгерту үшін батыл қадамға барды.

Біздің парақшамыздан футбол матчтарының барлық нәтижелерін Live форматта бірінші болып біліңіз!