Томас Франк тағайындалғаннан кейін Тоттенхэм Брентфорд шабуылшысына қызығушылық танытты

BBC Sport хабарлауынша, «Тоттенхэм» «Брентфорд» шабуылшысы Брайан Мбемоны сатып алу мүмкіндігін қарастыруда.

«Тікендердің» 25 жастағы шабуылшыға қызығушылығы Томас Франктің тағайындалуынан кейін пайда болды — «Брентфордтың» бұрынғы бас бапкері өткен аптада лондондық клубты басқаруға келді.

Камерундық шабуылшы әсерлі маусым өткізді — өткен Англия чемпионатында ол 20 гол соқты. «Аралар» құрамында алты жыл ішінде Мбемо 242 матчта 70 гол соқты.

«Манчестер Юнайтед» жақында футболшы үшін 45 миллион фунт және бонус ретінде 10 миллион фунт ұсынған, бірақ «Брентфорд» бұл ұсынысты қабылдамады. Мбемоның келісімшарты бойынша тағы бір маусымға ұзарту мүмкіндігімен бір жыл қалды.