Том Уилсон «Горди Хоу» хет-тригін жасады

«Вашингтон» командасының шабуылшысы Том Уилсон НХЛ матчында «Горди Хоу хет-тригін» жасады. Бұл ерекше жетістікке жету үшін хоккейші бір ойында гол соғып, нәтижелі пас беріп және төбелесуі керек.

«Вашингтон» командасы «Оттаваны» буллиттер сериясында 5:4 есебімен жеңді.

Бірінші кезеңде Том Уилсон «Оттава» шабуылшысы Брэди Ткачакпен қатты төбелесіп, екеуі де 5 минуттық айыппұл алды.

29 жастағы Уилсонның биылғы маусымдағы статистикасы жақсы: 60 ойында 47 ұпай жинады, оның ішінде 27 гол соғып, 20 нәтижелі пас берді.