Төрт дүркін Азия чемпионы Сабырхан жастар құрамасына кірмеді

Туризм және спорт министрлігінің Спортты дамыту дирекциясының мәліметінше, жасөспірімдер мен жастар арасында Азияның төрт дүркін чемпионы атанған Төрехан Сабырхан Қазақстанның U-22 жастар құрамасына кірмеді.

«Тайландтағы чемпионат алдында Қырғызстан құрамасымен бірге Ыстықкөлде оқу-жаттығу жиынын өткіздік. Бұл жолы құрамаға ұлттық құрама боксшылары да кірді. Әділдік үшін әр салмақта спаррингтер өткіздік. Бәсекелестік жоғары деңгейде болды», — деді Қазақстан U-22 құрамасының аға бапкері Бақыт Сәрсекбаев.

Екі ай бұрын Шри-Ланкада өткен чемпионатта он алтын және екі күміс медаль жеңіп алған бұрынғы құрамнан тек үш спортшы қалды:

• Нұрислам Қалдыбаев (60 кг)
• Аман Қонысбеков (75 кг)
• Азатбек Жолдасхан (85 кг)

Құрлықтық біріншілік 30 шілде мен 12 тамыз аралығында Бангкокта өтеді — жарысқа 25 елден 396 боксшы қатысады.