Төреші қателігінен ФА Кубогының матчы қайта өткізіледі

Англияның Футбол қауымдастығы «Уитеншо» мен «Холкер Олд Бойз» арасындағы ФА Кубогының бірінші кезеңін қайта өткізу туралы шешім қабылдады — төреші пенальти сериясы кезінде өрескел қателік жіберді.

«Уитеншо» командасының ойыншысы Уилл Каллиган алаңнан қуылғаннан кейін негізгі уақыт 2:2 есебімен аяқталып, пенальти сериясында «Холкер» 4:3 есебімен жеңіске жетті. Ереже бойынша қарсыластар пенальти теппейтін ойыншыны тағайындауы керек болатын — олар қақпашыны таңдады, алайда регламент бойынша ол матчтан кейінгі соққылар сериясына қатысуға құқығы жоқ еді.

«Бұл шешім тек Футбол қауымдастығы тағайындаған білікті төрешінің пенальти сериясы кезінде ойын ережелерін дұрыс қолданбауынан туындады», — делінген «Холкер Олд Бойз» мәлімдемесінде.

Оныншы дивизион клубы матчты қайта өткізу туралы шешімге қатты көңілі қалғанын білдірді — команда қосымша қаржылық және логистикалық қиындықтарға тап болды. Қайталама матч қараша айының басында «Холкердің» өз алаңында өтеді.