«Тобылдың» ойынында жаңа жүйе пайда болды — Асхат Тағыберген келгеннен кейін

Sport+ мәліметі бойынша, футбол сарапшысы Нұркен Мырзағалиев қостанайлық «Тобылдың» жаңа тактикалық өзгерістерін талдады. Ол бұл сызбаның орталығында жақында команда қатарына қосылған ұлттық құраманың капитаны Асхат Тағыберген тұрғанын айтты.

Асхат келгеннен кейін Вукчевич шабуыл шебіне жақындай бастады. Ал Ислам Чесноков ішке қарай ойысып, оның орнын Вукчевич басады. Осы сәтте Тағыберген оң жаққа қарай ойысып, Чесноковқа пас тарату рөлін өз мойнына алады, — деді сарапшы.

Мырзағалиев атап өткендей, «Ақтөбеге» қарсы өткен ойында Вукчевич шабуылшы рөлінде әрекет еткен. Бұл — бас бапкер Нұрбол Жұмасқалиевтің Тағыбергенді пайдалану арқылы жасаған тактикалық шешімі.

Асхат Тағыберген «Тобылға» жуырда ғана, шымкенттік «Ордабасыдан» кеткеннен кейін бір ай ішінде ауысқан болатын.

Біздің парақшамыздан футбол матчтарының барлық нәтижелерін Live форматта бірінші болып біліңіз!