«Тобыл» жартылай қорғаушысы Овечкинмен түскен суретін жариялап, рекордымен құттықтады

Қостанайлық «Тобыл» жартылай қорғаушысы Александр Зуев «Вашингтон Кэпиталз» шабуылшысы Александр Овечкиннің НХЛ-дегі ерекше жетістігіне қатысты пікір білдірді.

«Овечкин — ұлы! Саша әлемдік хоккей тарихына өз есімін мәңгілікке жазып қалдырды. Рекордымен шын жүректен құттықтаймын және менің тойымдағы бірге түскен суретімізбен бөлісемін! Great 8», — деп жазды Зуев өзінің телеграм-арнасында.

Ресейлік шабуылшы НХЛ-де жаңа рекорд орнатты — тұрақты чемпионатта 895-ші шайбасын соғып, аңызға айналған канадалық шабуылшы Уэйн Гретцкидің 894 гол көрсеткішін басып озды.