«Тобыл» жартылай қорғаушысы Грузия мен Қазақстан футболын салыстырды

BorodAbata.kz мәліметінше, қостанайлық «Тобылдың» жартылай қорғаушысы Цотне Мосиашвили Конференциялар Лигасындағы «Ордабасы» мен «Торпедо Кутаиси» қарсыластығы қарсаңында Грузия мен Қазақстан чемпионаттарының айырмашылықтары туралы пікір білдірді.

Бұл екі түрлі чемпионат. Грузияда қысқа және орта пастар арқылы шабуыл құруға тырысады, айып алаңына пас беру сирек кездеседі. Қазақстанда ұзын және диагональды пастар көп, сонымен қатар жекпе-жек көп. Сондықтан әртүрлі стильдегі командалардың матчы — әрқашан қызықты

Командалар арасындағы алғашқы матч Кутаисиде үш аптадан кейін өтеді, ал жауап кездесуі бір аптадан соң Шымкентте өтеді.