«Тобыл» өз алаңында «Ақтөбені» жеңді

Қазақстан Премьер-лигасының бесінші туры аясында Қостанайдың «Тобылы» өз алаңында «Ақтөбе» клубын қабылдап, 3:0 есебімен айқын жеңіске жетті.

Ойын жоғары қарқында басталып, екі команда да бір-бірінің қақпасына жиі шабуыл жасады. Алғашқы таймның қосымша минуттарында Асхат Тағыберген Марко Вукчевичке айып алаңына тамаша пас шығарып берді — черногориялық легионер есеп ашты.

Екінші таймда да «Тобыл» шабуылды тоқтатпады. 78-минутта Ислам Чесноков алыстан қуатты соққымен есепті еселей түсті, ал матч соңында бразилиялық Виктор Брага түпкілікті нәтижені белгіледі — 3:0.

Бұл жеңістен кейін «Тобылдың» ұпай саны 11-ге жетіп, турнирлік кестеде екінші орынға көтерілді. Ал 10 ұпай жинаған «Ақтөбе» төртінші орынға төмендеді.

Біздің парақшамыздан футбол матчтарының барлық нәтижелерін Live форматта бірінші болып біліңіз!