«Тобыл» ойыншысы «Ақтөбеде» ойнағысы келеді

Қостанайдың «Тобылы» алдағы қысқы трансферлік кезеңде өз ойыншылардың бірімен қоштасуы мүмкін. Команданың негізгі құрамында тұрақты ойнап жүрген марокколық жартылай қорғаушы Ахмед Эль-Мессауди клубтан кетуі ықтимал.

30 жастағы футболшы биылғы маусымда Қазақстан премьер-лигасында 22 кездесуге қатысып, жеті гол соғып және алты нәтижелі пас берген болатын. Оның үлесімен «Тобыл» ел кубогында және 2025 жылғы біріншілікте қола медаль иеленді.

БАҚ мәліметінше, Эль-Мессаудидің агенттері ойыншыны «Ақтөбе» клубына ұсынған, алайда бұл нұсқа бас бапкер Николай Костовтың жоспарларына сай келмеген.

Айта кетсек, Ахмед Эль-Мессауди бұған дейін Бельгияның «Льерс», «Стандарт», «Мехелен» клубтарында, Нидерландтың «Гронинген», «Фортуна», «Эммен» және Түркияның «Газиантеп» командаларында ойнаған. Ол Марокко ұлттық құрамасында екі рет алаңға шыққан тәжірибелі ойыншы.