Тите жаттықтырушылық мансабын аяқтады

Бразилия құрамасының бұрынғы бас бапкері Аденор Леонардо Бачи, футбол әлеміне Тите атымен танымал маман, денсаулығына байланысты жаттықтырушылық мансабын тоқтататынын мәлімдеді.

63 жастағы бразилиялық жаттықтырушы 2016-2022 жылдар аралығында ұлттық құраманы басқарды. Оның жетекшілігімен Бразилия 2019 жылы Америка Кубогында топ жарып, Катарда өткен 2022 жылғы әлем чемпионатының ширек финалына дейін жетті.

Соңғы уақытта жүрек ауруына байланысты бірнеше рет ауруханаға түскен Тите жақында «Коринтианспен» келісімшартқа отыру қарсаңында да мазасыздық ұстамасын бастан өткерген. Бұл туралы ол ұлы Матеус Бачидің Instagram парақшасында жарияланған бейнеүндеуінде айтып өтті:

«Мен адам ретінде осал бола алатынымды түсінетін сәттер болатынын ұқтым, және мұны мойындау мені күштірек ететіні анық», — деді Тите.

Титенің соңғы жұмыс орны — 2023 жылдың күзінде қоштасқан «Фламенго» клубы болды.

Біздің парақшамыздан футбол матчтарының барлық нәтижелерін Live форматта бірінші болып біліңіз!