Тим Цзю Фундорамен реваншынан кейін орта салмаққа өтуді жоспарлап отыр

7news.com.au хабарлауынша, аңызға айналған Костя Цзюдің ұлы Тим Цзю алдағы реваншынан кейін салмақ дәрежесін ауыстыруға ниетті.

25 жеңіс пен 2 жеңіліс тізіміндегі австралиялық боксшы бірінші орта салмақтағы WBC чемпионы Себастьян Фундорамен 19 шілдеде Лас-Вегаста қайта жұдырықтасады — жыл басында Цзю америкалыққа төрешілердің бөлінген шешімімен жол берген еді.

«Егер бірінші орта салмақта тағы бір жыл шыдай алсам — иә. Орта салмақта Эрисланди Лара, Карлос Адамес, Джермалл Чарло сияқты үлкен есімдер бар. Бұл да қызу дивизион», — деді Цзю.

Айта кетерлігі, орта салмақтың көшбасшысы — WBO және WBC чемпиондық белбеулерінің иегері, дивизиондағы барлық титулдарды біріктіруге ұмтылған жеңілмеген қазақстандық Жәнібек Әлімханұлы (17-0, 12 КО).