Оқу уақыты: 1 мин
5.0 Рейтинг
0 Комментарии

The International жеңімпазы кәсіби Dota 2-ге оралуын меңзеді

Nouns ұйымының операциялық директоры Питер «ppd» Дагер кәсіби Dota 2-ге оралу мүмкіндігін білдірді. Бұл туралы 33 жастағы киберспортшы X әлеуметтік желісінде хабарлады.

Аңызға айналған ойыншы — Evil Geniuses құрамында The International 2015 жеңімпазЫ, Кәсіби сахнадағы тоғыз жылдық өнерін 2022 жылы аяқтаған болатын.

Дагер өз мансабында атақты командалар — Evil Geniuses, OpTic Gaming және Ninjas in Pyjamas құрамында ойнап, сонымен қатар EG атқарушы директоры және Alliance жаттықтырушысы қызметтерін атқарған.

Қазіргі уақытта Питер Дагер жұмыс істейтін Nouns ұйымы бес ай бұрын Таль «Fly» Айзик басқарған құраммен қоштасып, Dota 2-дегі қызметін тоқтатқаны назар аударарлық.